Алматыдағы "Қайрат" шағын ауданы тұрғындарын жылусыз қалдырған жүргізуші іздестіріліп жатыр

Зақымдалған құбырдың кесірінен қақаған қыста 50-ден астам баспана бір түнді жылусыз өткізді.

"Аталған дерек Түрксіб ауданық полиция басқармасының қызметкерлерімен тергеліп жатыр. Жергілікті полиция басқармасына қарасты іздестіру бөлімінің қызметкерлері осы жол көлігі оқиғасын жасаған және оқиға болған жерден бой тасалаған автокөлік жүргізушісін іздеуде. Ол міндетті түрде табылып, жауапкершілікке тартылатын болады", - деп хабарлады Алматы полиция департаментінің ресми өкілі Салтанат Әзірбек КТК телеарнасына.

Ауыр жүк көлігін тізгіндеген жүргізуші кеше түске таман құбырға соғылып, артындағы қоршауды құлатып кеткен. Сөйтіп оқиға орнынан кетіп қалған. Ал құбырдың майысқан жері қоқыспен бітеліп қалған соң айналадағы үйлерге газ әрең жетіп отырған. Қысымның аздығынан пештері сөніп қалыпты. Осылайша, "Қайрат" ықшам ауданындағы 200-ге жуық үй жылусыз қалды. Тұрғындардың шағымыман кейін 135 үйге ғана газ берілген, ал қалған 52 отбасы бір түнді жылусыз өткізді. 

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023