Түркістан облысында 15 жасар қызды алып қашып кеткен

Түркістан, қыз алып қашу, сурет - Zakon.kz жаңалық 26.01.2023 13:48

Сурет: polisia.kz

Түркістан облысының полицейлеріне Шымкент қаласының тұрғынынан арыз түсті. Ер адам қызын алып қашып, күштеп үйленбек болған жігіттің үстінен шағымданды, деп хабарлайды Zakon.kz.

Бұған қоса әкесі неке қидыруға келісім бермегенін, бұл жағдайды жақында ғана әлеуметтік желіден білгенін айтқан.

Қыздың әкесінің мәлімдемесін құқық қорғаушы Дина Таңсәрі Instagram желісіндегі парақшасында жариялады.

Түркістан облысының полицейлері Қазақстан Республикасының Қылмыстық кодексiнің 122-бабы ("Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау") бойынша сотқа дейінгі тергеп-тексеру басталғанын мәлімдеді.

Сондай-ақ қыз бен жігіт таныс болғаны анықталды. Анасы оған келісім бермей, қызды Шымкентке алып кеткен.

"Қазіргі уақытта бұл іс бойынша сараптамалар тағайындалды. Қажетті тергеу амалдары жүріп жатыр. Іс Түркістан облысы полиция департаментінің бақылауында", – деп мәлімдеді полиция департаментінің баспасөз қызметі.

Оқи отырыңыз