Жаңаөзендегі Рахат ауылында 300 орындық мәдениет үйінің құрылысы басталды

Ауылдық жерлердің әлеуметтік ортасын жаңғырту қажеттілігіне байланысты Елбасы Н. Назарбаев "Ауыл - ел бесігі" арнайы жобасын іске асыруды тапсырған болатын.

Осы жоба аясында Жаңаөзен қаласындағы Рахат ауылында 300 орындық мәдениет үйдің құрылысы басталып кетті. Бұл туралы "Жаңаөзен қалалық құрылыс бөлімі" мемлекеттік мекемесінің басшысы Қанатбек Гафаров мәлім етті.

Рахат ауылындағы мәдениет үйінің құрылыс барысы қарқынды жүріп жатыр. Нақты айтқанда, бірінші қабаты тұрғызылды. Қабатаралық жабындысы салынып, екінші қабаттың тас қалау жұмыстары басталды. Жалпы көлемі 3473 м² құрайтын бұл мәдениет үйінде кітапхана мен 40 адамға арналған оқырман залы болады. Бұл дегеніміз ауыл жастарының бос уақытын тиімді пайдалануға өз септігін тигізбек, - деді Қанатбек Гафаров.

Айта кетейік, 300 орындық мәдениет үйін келер жылдың көктемінде пайдалануға беру жоспарланды. Бұл 43 мыңнан аса тұрғыны бар елді мекендегі алғашқы мәдени көпшілік нысан болмақ.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021