Министр төтенше жағдайлардың арасында негізгі үлесті өрт алатынын айтты

Сурет: Zakon.kz

Астанада Төтенше жағдайлар министрі Юрий Ильиннің тұрғындармен кездесуі өтті. Онда министр адамдар көп жиналатын нысандар мен құрылыс нысандарындағы өрттерге тоқталды, деп хабарлайды Zakon.kz.

"2016 жылдан бастап Министрлік қабылдау комиссияларына қатыспайды және бірқатар объектілер өрт қауіпсіздігін өрескел бұза отырып пайдалануға берілді. Бұл түтінсіз баспалдақ алаңының, түтінге қарсы қорғаныс жүйесінің болмауы, тұрғын үй ғимараттарының ауласына арнайы техниканың өту ені қарастырылмаған (6 метрден аз)", - деді Юрий Ильин.

Оның сөзінше, соңғы фактор өртті жоюға тікелей әсер етеді. Соның ішінде министр «Кахарман» тұрғын үй кешеніндегі өртті және қызметкер Забикуллин Асқардың ерлігін бәріміз есте сақтайтынымызды айтты.

"Өрт сөндіру техникасы үшін жолдың болмауы өртті уақтылы сөндіруге әсер етті. Сонымен қатар құрылыс нысандарында өрт қауіпсіздігі ережелерін бұзғандықтан өрт жиі болады". Министр

Азаматтардың қауіпсіздігін жақсарту үшін министрлік үш функция беру бойынша нормаларды пысықтады, олар:

адамдардың жаппай баратын объектілерінің, тұрғын және биік ғимараттардың оларды пайдалануға беру сатысында өрт қауіпсіздігі талаптарына сәйкестігі немесе сәйкес еместігі туралы қорытынды беру;
өрт автоматикасы жүйелерін монтаждау, баптау және оларға техникалық қызмет көрсету жөніндегі қызметті жүзеге асыруға рұқсат енгізу;
объектілерді өртке қарсы қорғаудың ерекшелігін көрсететін арнайы техникалық шарттарды келісу.

"Елордада құрылыс объектілерінде мұнара крандарының қауіпсіз пайдаланылуын бақылауды өнеркәсіптік қауіпсіздік жөніндегі бөлімше жүзеге асырады. Егер статистикаға көшсек, онда былтыр өнеркәсіптік нысандарда 4 авария, оның үшеуі көтергіш құрылыстарда немесе мұнара крандарында тіркелді. Негізінен құрылыс нысандарында жеке мұнара крандары қолданылады. Олар көбіне ішінара өнеркәсіптік қауіпсіздік ережелеріне сәйкес келмейді. Авариялық жағдайларды және персоналдың қауіпсіздігін болдырмау мақсатында құрылыс ұйымдары қойылатын жүк көтергіш механизмдердің талаптарын сақтауы қажет". Төтенше жағдайлар министрі

Ильин адамдар көп жиналатын объектілерге қатысты да қоса кетті. Ең әуелі олар - базарлар мен сауда орталықтары. Мұнда ведомство басшысы нысан иелерінің назарын өрт қауіпсіздігі ережелерін сақтау және өз қызметкерлері мен бизнесіне уақытылы қамқорлық жасау қажет екеніне аударды.

Оқи отырыңыз